廣州話版《再別康橋》

　　原作者：徐志摩 改編：林振強(香港)漏風(fēng)(廣州)

　　我靜靜雞散水，

　　就好似我靜靜雞咁踩嚟;

　　我靜靜雞漾手，

　　同啲云講聲"系噉先喇喂"

　　河邊嗰啲金柳，

　　好似個新娘喺黃昏度曬太陽;

　　反映喺水上面果個靚樣，

　　喺我個心度浮嚇浮嚇咁樣。

　　軟撇撇污撮撮既泥上青BB既水草，

　　油擰擰滑哩哩既響水下邊篩下篩下;

　　響康河既溫柔至死既浪波里邊，

　　我情愿做一坡水草。

　　大榆樹下嗰個水坦，

　　原來唔系清BB既泉水咼;

　　而系天上既彩虹，

　　用力攪爛曬定鬼左落嗰浮下浮下既水草度，

　　成個沉到水底下發(fā)緊個彩虹一樣既大頭夢。

　　去邊斗溫返嗰無厘頭既夢啊?

　　督一條鬼咁長既大碌竹啊，

　　響住嗰青過綠豆咁既草叢度滋滋油油咁蕩過來;

　　裝滿一個蘇州屎艇既鉆石珠寶，

　　去緊嗰個星光燦爛既KTV度大聲咁卡拉OK。

　　但我唔可以唱K既，

　　講拜拜嗰支笛衰咗;

　　熱天既昆蟲都為我收聲，

　　劍橋今晚真喺啞咗!

　　我靜靜雞散水，

　　就好似我靜靜雞咁踩嚟;

　　我拍拍籮柚，

　　一啲云都毋拎，

　　嫌重得滯。