今年暑假督開始時，我的心里實在有夠歡喜。我計畫就濟的代志，我想今年的暑假一定袂使白白呼伊過去，所以我計畫要去臺北找表兄，請表兄娶我去淡水佚樂，因為社會課本面頂有介紹，淡水是一個真水的所在。伊的日落，伊的魚丸，還擱有紅毛城，我隴想要去。我還計畫要好好來寫我的暑假作業，袂使將頂學期所學的放袂記；另外，我也想要去莊腳陪阿嬤，我實在就想伊ㄝ！

　　暑假時，我真正按照我的計畫進行，尚難忘的是在阿嬤因兜那段日子。每工下甫陪阿嬤做運動，運動了后，阿嬤就會娶我去甲厝邊隔壁的阿婆仔開講，因一爿講話，一爿用葵扇搧風，擱會使趕蚊仔，實在真好使！

　　隔壁有一個小朋友阿強，伊甲我差不多平大，伊每工攏要曬土豆，，曬了后擱要將土豆用車箕倒在布袋內底。每一擺伊總是將土豆落甲規土腳，這時我就笑伊實在有夠頇顢，阿嬤聽了后，就笑笑對我講：「你真正是看人擔粽毋知重，還嫌人姿勢丑」，我聽無阿嬤在講什阿嬤講聽無袂要緊，暝仔載你就知羅！

　　隔工，阿嬤擱娶我去阿強因兜，看因按怎曬土豆，阿嬤對阿強講：「今仔日你別做，呼阮孫來替你做一工。」所以我信心十足開始做。啊！實在真漏氣！看伊在做明明真簡單，哪會家己做是這麼困難，掉在土腳的比布袋內底的還卡多。這時，我才知影阿嬤的話是什麼意思。

　　今年暑假我感覺家己大漢真濟，明白真濟道理。有時看是一回事，做又擱是一回事。看起來容易的代志，做起來并不容易。所以我以后袂擱隨便批評別人。今年的暑假，我實在無白過，勸咱今馬的青少年，要好好的計畫家己的暑假生活，毋通暑假一到，就想要飆車，相撲。人在講「少年袂曉想，吃老就毋成樣」，希望大家做代志盡前要三思！