男女朋友之間的話粵語
1.我唔會check你嘅來電顯示，但係你最好唔好俾我聽到你同不明來歷嘅女人講電話
2.我有嘢做得唔巖你可以話我，不過唔俾發曬脾氣嬲曬咁話我，要慢慢講道理，有耐心D，《 拍拖協議書 》.。
3.我鐘意收到你嘅SMS，幾肉麻我都頂得順架。
4.每日起碼要打一次電話俾我，因為我會掛心你，最好係喺我臨訓前打嚟，因為聽完你電話我會訓得舒服D。
5.我哋未必可以一生一世，但希望你同我一齊嘅時候，每一刻都對我認真。
6.你心裡面諗D咩，一定要同我講，因為我好蠢，你唔同我直接講我唔會知道。
7.我去咗玩而又唔係同你一齊，你叫我玩得開心D嘅話，我會以為你唔愛我唔緊張我唔想要我，你應該要同我講唔好玩咁夜啊，翻屋企小心D啊之類嘅，最好你嚟接我翻屋企添。
8.如果你要出去玩嘅最好就帶埋我去，如果實在唔得嘅話就早D翻屋企俾個電話我，因為我會係屋企擔心你，訓唔著。
9.唔準對我講大話，我最憎人呃我，雖然你話呃我喺唔想我唔開心，但喺俾我知道你呃我，咁樣我會更加唔開.
10.唔準一腳踏兩船 (或以上 )。
11.我唔需要你對我許下關于以后嘅某種承諾，我只想你肯定你對我依家嘅感覺，因為以后嘅事無人可以預測到。
12.我唔係專登騷擾你，我只係想等你知道我幾時掛住你嗟。
13.食飯時第一箸夾嘅食物記得最好要係俾我嘅。
14.你要好錫好錫我，因為你唔錫我就無人錫我架啦，當然我都會好錫你架。
15..我唔喺貪心嘅人，唔一定要鉆石同珍珠，就算你送易拉環蓋俾我都會一樣咁開心，最重要喺睇你有冇心。
16.同你D朋友出去食飯，你唔使成日理住我，我唔會埋怨你嘅，不過你要記得我係你身邊就得。
17.我唔會問你我靚唔靚 (因為我知道我好靚)，不過你識做嘅都要耐唔耐讚下我靚，最好諗多幾樣形容詞嚟讚我，協議書《《 拍拖協議書 》.》。
18.我是鐘意浪漫的人，耐唔耐諗D浪漫嘅嘢嚟氹下我，都唔會好過分掛。
19.我知道你冇可能每秒鐘都掛住我，但係如果你全日都冇諗起我，我會好驚架。
20.得閑你要陪我行下超市，等我享受一下甜蜜嘅感覚，最多俾你笑下我「師奶仔」啦。
21.如果有一**郁手打我，我一定會走。
22.陪住你出去做嘢嘅時候唔使怕我等，怕我悶，因為我肯定記得帶MP3。
23.記得我送俾你嘅嘢要好好保存。
24.Shopping 時可以分道揚鑣，但係你唔好又要企我隔離又要黑口黑面 ...
25.我好樂意同你行你鐘意嘅舖頭，你唔需要怕我悶，我會自得其樂。
26.雖然我知你唱歌唔喺咁好聽，不過就為我練一首，就專門唱俾我聽啊
27.唔好批評我嘅好朋友，因為我同佢地共過患難，唔係酒肉朋友。
28.如果你唔開心，你要同我講，唔好扮無事，因為如果俾我發現我會比你更唔開心
29.如果你需要我嘅時候，隨時揾我，唔好俾我以為自己係個閑人。
30.我喊嘅時候，你一定要氹我，
31.你做緊嘢嘅時候，我會自己搵嘢做，你唔需要擔心，因為我有時會覺得睇你好過睇大戲。
32.你最好有一首只係屬于我嘅電話鈴聲。
33.如果你冇開口講，我都為你去改變，代表我真心鐘意你，請你珍惜我。
34.我好樂意幫你洗衫煮飯執屋，但係請你唔好當喺「奉旨」。
35. 唔好以為我真係好大方，只係我怕你討厭小氣嘅女仔咋。
36.唔好亂咁作出承諾，因為我真係會當真咁記一世架。
37.你需要比我更清楚我嘅電話、相機同電腦嘅操作。
38.當你睇波嘅時候，我可能會問你「咩係12碼」等低B問題，你唔好嫌我煩，因為我真係有興趣知，但又從來冇人教過我。
39.我會希望你將我介紹俾你嘅朋友識。
40.放假時我會間唔中留喺屋企休息，你即管出去玩，雖然我喺癡身但都唔好以為我係貼身膏藥，你唔同我出街我就唔出。
41.因為我有一D唔係太開心嘅過去，對人好冇安全感。所以請你用用行動話俾我知你對我係認真嘅，你唔係玩玩下。
【男女朋友之間的話粵語】相關文章：
3.戀人之間感動的話
5.情侶之間感人的話
6.好朋友之間說的話
本文來源：http://www.nvnqwx.com/meiwen/huayu/2931495.htm